रुकुम(पश्चिम) । रुकुम पश्चिमको चौरजहारी नगरपालिकामा ३ वटा वडा सिल गरीएको छ । नगरमा कोरोना भाईरस वाट संक्रमित नागरिकको संख्या वढे संगै वडा नम्वर १ ,२ र ३ नम्वर वडालाई सिल गरीएको हो ।
नगरपालिकाले एक सुचना प्रकासित गरी वडा नम्वर १ नाखिरा लामिछानेगाउँ घारीगाउँ वडा नम्वर २ को नयाँवजार ,रुकुमेगाउँ, वडा नम्वर ३ को घारीकापाखा टाटागाउँ र स्यालखोलामा कोरोनाको उच्च जोखिममा राखी सिल गरेको छ ।
चौरजहारी नगरपालिकाका निमित्त प्रमुख प्रशासकिय अधिकृत राम वहादुर के.सी.द्धारा हस्ताक्षेरीत सुचनामा यहि असार १६ वाट लागुहुने गरी अर्काे सुचना जारी नभए सम्मका लागी उक्त वडाहरुलाई सिल गरीएको सुचनामा उल्लेख गरीएको छ ।
यो समयमा अत्यावसकिय काम वाहेक सवारी साधन चलाउन मानिसहरुको आवतजावत र व्यापार व्यावसाय पुर्ण रुपमा वन्द गर्न सुचनामा भनिएको छ ।
सिलगरीएको क्षेत्रमा कोही कसैले प्रतिवन्धित कार्य गरेको पाईएमा संक्रामक रोग ऐन अनुसार कार्वाही गरीने व्यहोरा समेत जानकारी गराईएको छ ।
प्रतिक्रिया