कञ्चनपुर । कञ्चनपुरको नहरमा हाम फालेर वेपत्ता भएका युवक मृत भेटिएका छन् । कञ्चनपुरमा प्रेमिकासँग नहरमा हामफालेका नेपाली सेनाका एक जवानको मृत भेटिएका हुन ।
भीमदत्त नगरपालिका–१ भाँसीस्थित नहरमा भीमदत्त नगरपालिका–२ महुलीयाकी रेनु चौधरी (प्रेमिका)सँगै हाम फालेका भीमदत्त नगरपालिका–२ उल्टाखामका २३ वर्षीय राकेश चौधरी ९(प्रेमी) मृत फेला परेको कञ्चनपुरका प्रहरी नायव उपरिक्षक अमर थापाले बताए ।
प्रहरीका अनुसार प्रेमिका रेनुसँगै नहरमा हाम फालेका प्रेमी राकेश नेपानी सेनाको जवान पदमा कार्यरत थिए ।
दुवैजनाले एकसाथ आत्महत्या गर्ने उद्देश्यले हाम फालेको स्थानीयले देखेपछि उद्दारको सुरु गरिएको थियो । प्रेमिका रेनुलाई भने स्थानीय सकुसल उद्दार गरेका थिए । रेणुको महाकाली अस्पताल कञ्चनपुरमा सामान्य उपचारपछि डिस्चार्ज गरिएको छ ।
घटनाबारे थप अनुसन्धान गरीरहेको प्रहरीले जानकारी दिएको छ ।
प्रतिक्रिया