काठमाडौं । इंग्लिस प्रिमियर लिग फुटबल अन्तर्गत बुधबार राति भएको खेलमा दोस्रो स्थानको म्यानचेस्टर सिटी विजयी भएको छ ।
सिटीले दुवै गोल पहिलो हाफमा गरेको हो । उसले दोस्रो हाफमा एक गोल खायो । छैटौँ मिनेटमा डेविड सिल्भाले गोल गरी सिटीलाई सुरुवाति अग्रता दिलाए । ३९ औँ मिनेटमा गाब्रियल जिससले गोल गरेर अग्रता दोब्बर पारे ।
बोर्नमाउथका लागि ८८ औँ मिनेटमा ब्रूक्सले गोल गरेका हुन् । जितपछि दोस्रो स्थानको सिटीको ३६ खेलबाट ७५ अंक भएको छ । पराजयले रेलिगेशनबाट जोगिने बोर्नमाउथको आशमा धक्का लागेको छ । उ ३६ खेलबाट ३१ अंकसहित १८ औँ स्थानमा छ ।
लिग अन्तर्गत बुधबार राति नै भएको खेलमा बर्नली र वुल्भ्सले १–१ को बराबरी खेल्दै अंक बाँडेका छन् ।
प्रतिक्रिया