काठमाडौं । पार्टीभित्रको अन्तसंघर्ष रोकिने कुनै बाटो फेला पार्न नसकेपछि सत्तारुढ नेपाल कम्युनिस्ट पार्टी (नेकपा)को स्थायी कमिटी बैठक पर्सिसम्मका लागि स्थगित भएको छ ।
बैठक साउन ४ गते आइतबार दिउँसो ३ बजेसम्मका लागि स्थगित भएको प्रधानमन्त्रीका प्रेस सल्लाहकार सूर्य थापाले जानकारी गराएका छन् ।
बिहान तय भएको बैठक सुरुमा दिउँसो ३ बजेसम्मका लागि स्थगित गरिएको थियो । तर, अध्यक्षद्वय केपी शर्मा ओली र पुष्पकमल दाहाल प्रचण्डबीच थप छलफल गर्नुपर्ने भएको भन्दै बैठक पर्सिसम्मका लागि स्थगित गरिएको छ ।
बैठकका लागि स्थायी कमिटी सदस्यहरु बिहान ११ नबज्दै बालुवाटार पुगेका थिए । पार्टीभित्र विवाद बढेपछि नेकपा बैठक गत असार १८ गतेयता पटकपटक स्थगित भैरहेको छ ।
प्रतिक्रिया