बुटवल । शुक्रबार रातीदेखि अवरुद्ध सिद्धार्थ राजमार्ग अन्तर्गत बुटवल–तानसेन सडक खण्डको एउटा पहिरो हटाएर नसकिंदै अर्को पहिरो खसेको छ । शुक्रबार राती तानसेन नगरपालिका–८ मा पर्ने गौडेपुल नजिकै खसेको पहिरो हटाएर सडक सुचारु नहुँदै सोहीसडक खण्डको दोभान सिद्धबाबा नजिकै नाग ढुङ्गा भन्ने स्थानमा पहिरो खस्दा सडक थप अवरुद्ध भएको छ ।
२ स्थानमा पहिरो खसेको कारण बिगत २ दिन देखि अवरुद्ध बुटवल पाल्पा खण्डको सडक आज पनि नखुल्ने भएको छ ।
पहिरो हटाउन सडक डिभिजन कार्यालय बुटवलबाट डोजर गएका छन् । प्रदेश ५ ट्राफिक प्रहरी कार्यालय बुटवलले गौडे पुलमा गएको पहिरो हटाउन आज दिनभर नै लाग्ने जनाएको छ । अवरुद्ध सडक खुलाउनका लागि पाल्पातर्फबाट एक लोडर तथा बुटवतर्फबाट एक लोडर र एस्काभेटर प्रयोग भएपनि माटो झर्ने क्रम नरोकिँदा सडक खुल्न समय लाग्ने भएको हो ।
शुक्रबार खसेको पहिरोले लु १ क ११७५ नम्बरको ट्रक परेको थियो । पहिरोले ट्रक पुुुरिए पनि कुनै मानविय क्षति भने भएको थिएन । पहिरो हटाउने कार्य जारी रहेको र पहिरो निरन्तर झरिरहेकोले गर्दा अवस्था जोखिमपुर्ण रहेको छ ।
सडक सुचारु नहुँदा सम्म सो सडक भएर यात्रा गर्नुपर्नेहरुले यात्रा तय नगर्न ट्राफिक प्रहरीले आग्रह गरेको छ ।
प्रतिक्रिया