१६ चैत्र २०८०, शुक्रबार | March 29, 2024

सप्तरीमा झण्डै तीन सय घर डुवानमा, खोला नदीमा जलस्तर बढ्दो



सप्तरी । दुई दिनदेखि लगातार भइरहेको वर्षाले सप्तरीका विभिन्न खोला, नदीमा पानीको बहाव अत्याधिक बढेको छ ।

जिल्लाका झण्डै तीन सय घर डुवानमा पर्नुका साथै वर्षाको पानीले निकास नपाउँदा राजविराज नगरपालिकाका अधिकांश वडा डुवानमा परेको छ ।

स्थानीय नदी र खोलामा पानीको बहाव उच्च भएपछि बाढी पस्दा तिलाठी कोइलाडी गाउँपालिका सकरपुराका ५० घर डुवानमा परेका छन् ।यस्तै बेल्हीका ३०, हनुमाननगर कंकालिनी नगरपालिका १३ गोबरगाढाका ७५ घर डुवानमा परेका छन् ।

डुवानबाट बिस्थापितहरु सुरक्षित स्थानमा पुगेको सम्बन्धीत स्थानिय तहका प्रमुखहरुले जानकारी दिएका छन् ।

तिलाठी कोइलाडी गाउँपालिकाको बेल्ही र सकरपुराका बस्तीमा दुई फिटसम्म पानी जमेको गाउँपालिका विपद् व्यबस्थापन समितिका अधिकृत राजेश झाले जानकारी दिए । पानी पसेका कतिपय घरमा सर्वसाधारण खाटमा बसिरहेका छन् ।

सकरपुरामा सयौं विगहामा लगाइएको धान बाली सखाप भएको पीडित किसानहरुले बताएका छन् । जिता नदीको बाढी पस्दा मंसापुरका २५ घर डुवानमा परेको स्थानिय सत्यनारायण मण्डलले बताए ।

यस्तै भलुवाही खोलाको पानीले निकास नपाउँदा राजविराज नगरपालिका वडा नं. १, २, ५, ६, ७, ८, १० र १५ का १ सय ५० घर डुवानमा परेको छ ।

ती वडाका अधिकांश घरमा समेत पानी छिरेको छ । निरन्तरको वर्षाले खाँडो, त्रियुगा, सप्तकोशी, जिता, बलान, खडक, महुली लगायतका नदी खोलामा पानीको बहाव उच्च भई आसपासका बासिन्दा जोखीममा परेका छन् ।

निरन्तरको वर्षासँगै खाँडो तथा बलान नदीको बहावले पश्चिमी तटबन्ध नजिक कटान थालेको छ । आसपासका बासिन्दालाई सचेत तथा सुरक्षित गरिनुका साथै विपद् व्यवस्थापनका लागि आवश्यक तयारी भइरहेको जिल्ला संकट व्यवस्थापन समितिले जनाएको छ ।

प्रकाशित मिति : ५ श्रावण २०७७, सोमबार  ५ : ०२ बजे

तिब्बतमा सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह

ल्हासा । उपप्रधान एवं परराष्ट्रमन्त्री नारायणकाजी श्रेष्ठले नेपाल– चीन सीमा

चैत २३ र २४ गते लुम्बिनीमा अन्तर्राष्ट्रिय शान्ति मेला

काठमाडौं । विश्व सम्पदा सूचीमा सूचीकृत लुम्बिनीको पर्यटन प्रवर्द्धनका लागि

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर