काठमाडौं । पार्टीभित्रको अन्तरविरोध हल हुने कुनै बाटो नभेटिएपछि सत्तारुढ नेपाल कम्युनिष्ट पार्टी नेकपाको स्थायी कमिटी बैठक पुनः एक हप्तासम्म स्थगित गरिएको छ ।
आज मंगलबार बिहान ११ बजे बस्ने भनिएको बैठक स्थगित गरेर १ बजे बस्ने गरी सारिएको थियो । तर, १ बजेपछि केही मिनेट बसेको बैठक एकसाताका लागि सारिएको हो ।
अविरल वर्षाले पारेको जनधनको क्षतिको लागि उद्धार र राहतमा जुट्ने प्रस्ताव पारित गर्दै बैठक एक हप्ताका लागि स्थगित गरिएको स्थायी कमिटी सदस्य देवेन्द्र पौडेलले बताए ।
देशभर बाढीपहिरोको कारण उद्दारमा केन्द्रित हुन परेको भन्दै बैठक स्थगित गरिएको हो । बैठकमा अध्यक्ष एवं प्रधानमन्त्री केपी शर्मा ओली भने अनुपस्थित रहेका थिए ।
बाढी पहिरो बहाना बनेपनि नेकपाभित्र चर्किएको अन्तरर्संघर्ष समाधान गर्ने बाटो पहिल्याउन नसक्दा यतिबेला शिर्ष नेताहरु नै तनाबमा परेका छन् ।
प्रतिक्रिया