वीरगन्ज । पर्साको वीरगन्जमा अर्का एक कोरोना संक्रमित वृद्धाको मृत्यु भएको छ ।
गण्डक कोभिड अस्पतालमा उपचाररत ८५ वर्षीया एक वृद्धा महिलाको मृत्यु भएको अस्पतालले जनाएको छ ।
मुटुकी रोगी ती वृद्धाको शुक्रबार बिहान साढे ११ बजे मृत्यु भएको अस्पतालका कोओर्डिनेटर डा. उदयनारायण सिंहले जानकारी दिएका छन् ।
निमोनियाको उपचार गर्न वीरगन्जस्थित एडभान्स अस्पतालमा भर्ना भएकी ती वृद्धालाई कोरोना संक्रमणको पुष्टि भएपछि गत साउन ७ गते गण्डक अस्पतालमा ल्याइएको थियो ।
यसअघि गण्डक अस्पतालमै बिहीबार एक वृद्धको मृत्यु भएको थियो । यससँगै नेपालमा कोरोना भाइरसको संक्रमणबाट मृत्यु हुनेको संख्या ४४ पुगेको छ ।
वीरगन्जमा पछिल्लो केहिदिन यता कोरोना संक्रमणको दर ह्वात्तै बढेको छ ।
सरकारले लकडाउन समाप्त पारेसँगै आम मानिसमा कोरोना फैलिन सक्ने भन्दै चिकित्सकहरुले चेतावनी दिएका छन् ।
अस्पतालमा कार्यरत चिकित्सक र स्वास्थ्यकर्मीहरुलाई समेत कोरोना संक्रमण देखिएपछि वीरगन्जका अस्पतालहरुमा आकस्मिक बाहेक सबै सेवा बन्द गर्न नेपाल चिकित्सक संघले निर्देशन दिइएकेको छ ।
प्रतिक्रिया