बुटवल । इनरव्हिल क्लव अफ मिडटाउन बुटवलले बृक्षारोपण गरेको छ । बुटवलको हिलपार्क परिषरमा आज बृक्षारोपण गरिएको हो ।
बर्ष २१/०२१ को पहिलो कार्यक्रमको रुपमा बुटवल उपमहानगरपालिका वडा नं ७ मा रहेको हिलपार्कमा आंप, लिचि, अनार, धुपी, क्रिस्मस टी, सीतारा फूल, लगायतका बिरुवाहरु रोपिएको क्लवका अध्यक्ष मिष्ठु भण्डारी टण्डनले बताइन ।
क्लवकी अध्यक्ष भण्डारीको अध्यक्षता तथा बुटवल ७ का वडा अध्यक्ष कमल प्रताप थापाको प्रमुख आतिथ्यमा कार्यक्रम भएको हो । सो अबसरमा बोल्दै थापाले रोपिएका बिरुवाको संरक्षणका लागि पनि क्लवले ध्यान दिनुपर्ने बताए । सो अबसरमा क्षेत्री समाजका रुपन्देही अध्यक्ष गुप्त बहादुर केसी, इनरव्हिल मिडटाउनका पास्ट प्रेसिडेन्ट रिता केसी लगायतले बोलेका थिए ।
रोपिएका बिरुवाहरुको कार्यक्रम संयोजक एवं बुटवल नर्सरीका संञ्चालक सरला भण्डारीले सौजन्य गरेकी थिइन । सो कार्यक्रमको संचालन क्लवका सचिब रञ्जु गौतमले गरेकी थिइन । क्लवले बार्षिक कार्ययोजना बनाएर सामाजिक काम समेत गरिरहेको छ ।
प्रतिक्रिया