काठमाडौं । नेपालमा कोरोना संक्रमणको मृत्युदर निरन्तर बढ्दो क्रममा गएको छ । शुक्रबार दिउँसो फेरि अर्का एक जना कोरोना संक्रमितको मृत्यु भएको छ ।
पाटन अस्पतालमा उपचाररत एक महिलाको कोरोना भाइरसको संक्रमणका कारण मृत्यु भएको अस्पतालले जनाएको छ ।
६५ वर्षीया ती महिला कोरोना संक्रमण पुष्टि भएसँगै गत साउन ६ गते अस्पताल भर्ना भएकी थिइन । मृतक महिलामा उच्च रक्तचाप, छातीको इन्फेक्सन र निमोनिया रहेको अस्पतालका निर्देशक डा. विष्णु शर्माले बताए ।
स्वास्थ्य अवस्था जटिल बन्दै गएपछि उनलाई भेन्टिलेटरमा राखेर उपचार गरिँदै आएको थियो । ती महिला वीरगन्जबाट केही समयअघि काठमाडौं आएकी थिइन ।
सुरुमा स्टार अस्पतालमा स्वास्थ्य चेक जाँच गराउन एकी उनको स्वाब परीक्षण गर्दा कोरोना पोजेटिभ पुष्टि भएको थियो । त्यसपछि उनलाई पाटन अस्पताल सारिएको थियो । उनका परिवारका सदस्यहरुमा पनि कोरोना संक्रमण देखिएको छ ।
यससँगै नेपालमा कारोना भाइरसको संक्रमणबाट मृत्यु हुनेको संख्या ५६ पुगेको छ ।
प्रतिक्रिया