काठमाडौं । सरकारले ६० वर्ष माथिको उमेरका वृद्धवृद्धा र १२ वर्ष कम उमेरका बालबालिकालाई घरबाहिर ननिस्कन आग्रह गरेको छ ।
स्वास्थ्य तथा जनसंख्या मन्त्रालयले कोरोना संक्रमण यी उमेका व्यक्तिरुलाई बढी हुनसक्ने बताउँदै घरबाहिर ननिस्कन मन्त्रालयका प्रवक्ता प्राडा. जागेश्वर गौतमले आग्रह गरेका हुन् ।
मन्त्रालयले काठमाडौं उपत्यकामा समेत कोरोना संक्रमण बढेको भन्दै सावधानी अपनाउन अनुरोध गरेको छ ।
सरकारले स्वास्थ्यसम्बन्धी मापदण्ड पूर्ण रुपमा पालना गर्न पनि आम नारिकलाई आग्रह गरेको छ ।
यसैबीच सरकारले कोरोना महामारी समुदायस्तरमा फैलिएपछि पर्साको वीरगन्जमा उच्चस्तरीय स्वास्थ्य टोली पठाएको छ ।
स्वास्थ्य सेवा विभागका महानिर्देशक डा. दीपेन्द्र रमण सिंहको नेतृत्वमा उच्चस्तरीय टोली प्रदेश २ को वीरगन्ज पठाइएको मन्त्रालयका प्रवक्ता गौतमले जानकारी दिए ।
पर्सामा कोरोना संक्रमित हुनेको र मृत्यु हुनेको दर दिनदिनै बढेपछि मन्त्रालयले केन्द्रबाटै उच्चस्तरीय टोली पठाएको हो ।
प्रतिक्रिया