रुकुम । देशैभर कोरोना कहरले महामारीको रुप लिँदै गर्दा रुकुम पश्चिममा भने सर्प दंसको उपचार नपाएर स्थानीय समस्यामा परेका छन् ।
जिल्लाको चौरजहारी नगरपालिकामा अवस्थित सामुदायिक अस्पतालमा सर्पले डसेका विरामीहरुका लागी आवाश्यक पर्ने एन्टीस्नेक भेनमको अभाव भएपछि सर्पले दसेर अस्पताल पुगेका बिरामी समस्यामा परेका हुन् ।
वार्षिक रुपमा २० देखि ३० जना सर्पले डसेका बिरामी आउने चौरजहारी अस्पतालमा एन्टीस्नेक भेनमको अभाव भएपछि अस्पतालले विरामीहरुलाई नेपालगञ्ज लगाएतका अस्पतालहरुमा रेफर गर्न बाध्य बनेको छ ।
सामान्यतया पहाडी र उच्च पहाडी भूभागमा बिषालु सर्प नपाईने बताईए पनि समथर भूभाग रहेको पश्चिम रुकुममा भने विषालु सर्पहरु पाईने गरेको छ ।
वर्षमा ३० बढी बिषालु सर्पदंशका बिरामी आउने गरेपनि सरकारले रुकुमलाई विषालु सर्प नपाईने जिल्लाको सुचीमा राखेको छ ।
सर्पदंशको जोखिम नभएको भन्दै स्वास्थ्य विभागले एन्टिस्नेक भेनमको कोटेसन नगर्दा यस क्षेत्रमा रहेका सर्प दंशका बिरामीहरुको ज्यान उच्च जोखिममा रहेको चिकित्सकहरुले बताएका छन् ।
चिकित्सकहरुका अनुसार विश्व र नेपालमा पाईने १० प्रजातिका विषालु सर्प किंग कोव्रा, गोमण,सानो कालो करेत,लक्ष्मी सर्प,बैरी करेत, हिमाली करेत,कर्कट सर्प,सेतो कालो चुरे सर्प,छिर्विरे सर्प र हरियो सर्पहरु रुकुम पश्चिममा देखिँदै आएको छ ।
प्रतिक्रिया