कोरोना भाइरसले दुबईलाई आर्थिक रुपमा दुब्लो बनाइदिएको छ ।
यो वर्षको पहिलो ६ महिनामा प्रत्यक्ष विदेशी लगानी अर्थात एफडीआईमा गत वर्षको यसै अवधीको तुलनामा ७४ प्रतिशतले गिरावट आएको छ ।
दुबईलाई पश्चिम एशियाको वित्तीय एवं व्यापारिक केन्द्र मानिन्छ ।
दुबई सरकारले सन् २०२०को पहिलो ६ महिना (३० जुन)सम्म १२ अर्ब दिरामको लगानी आएको थियो ।
सरकारले गतवर्षको तुलनात्मक तथ्यांक त भनेको छैन तर अन्तराष्ट्रिय समाचार एजेन्सी रोयटर्सका अनुसार गत वर्षको पहिलो ६ महिनामा दुबईमा ४६ अर्ब दिरामको लगानी भित्रिएको थियो ।
दुबई इन्भेष्टमेन्ट डेभलपमेन्ट एजेन्सी (दुबई एफडीआई)का प्रमुख कार्यकारी फहद अल–जरगावीले भनेका छन्, कोरोना भाइरसको महामारीका कारण पुरै सप्लाई चेन पुरै प्रभावित भएको छ ।’
उनका अनुसार सबै व्यापारिक गतिविधिमा प्रतिबन्ध लागेको छ । आम मानिसको हिँडडुल बन्द छ ।
फहद भन्छन्, ‘कोभिड १९ को चुनौती अझै पनि सकिएको छैन । तर हामी भविष्यमा राम्रो होला भन्ने आशावादी छौं ।’
कोरोना भाइरसको संक्रमण रोक्नका लागि दुबईमा पनि लकडाउन लगाइएको थियो । यसको असर अहिलेसम्म पनि सकिएको छैन।
संयुक्त अरब इमिरेट्समा अहिलेसम्म ६१ हजार ३५२ जना मानिस संक्रमित भएका छन् । ३५१ जनाको मृत्यु भएको छ ।
तर, यूएईले देशको कुन इमिरेट्स या क्षेत्रका यति धेरै मानिस संक्रमित भएका छन् या मृत्यु भएको छ भन्ने बारेमा भने केही बताएको छैन ।
यूएईं नेपाली युवाको रोजगारीको प्रमुख गन्तव्य हो । कोरोना भाइरसका कारण दुबईको अर्थव्यवस्था प्रभावित हुँदा त्यहाँ रहेका धेरै नेपाली युवालाई समस्या पर्ने देखिन्छ ।
प्रतिक्रिया