कोरोनामा पल्केको काल; सिरहाका एक युवकको कोरोनाकै कारण धरानमा गयो ज्यान

सिरहा । कोरोना भाइरसको संक्रमणका कारण सिरहा जिल्लाका एक युवकको मृत्यु भएको छ ।

सिरहाको गोलबजार नगारपालिका वडा नं. १२ निवासी २१ वर्षीय युवकको कोरोना संक्रमणका कारण मृत्यु भएको छ ।

धरानस्थित वीपी कोइराला स्वास्थ्य विज्ञान प्रतिष्ठानमा उपचार गर्दागर्दै उनको गएराति मृत्यु भएको जिल्ला प्रशासन कार्यालय सिरहाले पुष्टि गरेको छ ।

ती युवक मृगौलाका रोगी रहेका थिए । बीपी प्रतिष्ठानमा पुगेर डायलासिस सेवा लिइरहेकै बेला उनलाई कोरोना संक्रमण पुष्टि भएको थियो ।

उनको शव सिरहा ल्याएर व्यवस्थापन गर्ने तयारी भैरहेको छ । उनको सम्पर्कमा रहेका परिवारका चार जनालाई क्वारेन्टिनमा राखिसकिएको सिरहाका प्रमुख जिल्ला अधिकारी प्रदीपराज कँणेलले बताए ।