रुपन्देहीको सिद्धार्थनगर नगरपालिकाले नगरक्षेत्रमा साउन ३१ गते राति १२ बजेदेखि भर्दौ ५ गते राति १२ बजेसम्म लकडाउन घोषणा गरेको छ ।
कोरोना भाइरसको संक्रमण तिब्र गतिमा फैलिन थालेपछि सिद्धार्थनगर नगरपालिकाले नगरक्षेत्रमा लकडाउनको घोषणा गरेको हो ।
कोरोना रोकथाम र नियन्त्रणका लागि भन्दै नगरपालिकाले लकडाउनको आदेश अनिवार्य पालना गर्न र स्वास्थ्य सुरक्षा मापदण्ड पालना गर्न अनुरोध गरेको छ ।
लकडाउन अवधिमा स्वास्थ्य सेवा, दमकल, सरसफाई र अन्य अत्यावश्यक सेवाहरु भने सुचारु हुनेछन् ।
खाद्यान्न तरकारी, फलफूल, दुध तथा दुधजन्य पदार्थहरुको विक्रि वितरण आवश्यक दूरी कायम गरी बिहान ६ बजेदेखि ९ बजेसम्म र साँझ ५ बजेदेखि ७ बजेसम्म मात्र संचालन हुनेछन् ।
अत्यावश्यक सेवाका कर्मचारीहरुले प्रयोग गर्ने सवारी साधनहरुको साथमा परिचय पत्र अनिवार्य बोक्न नगरपालिकाले निर्देशन दिएको छ ।
बैंक तथा वित्तीय संस्थाका काउन्टरहरु बन्द हुनेछन् भने कम भन्दा कम कर्मचारी मार्फत विद्युतीय माध्यमबाट सेवा संचालन हुनेछन् ।
यसैगरी औद्योगिक तथा निर्माणजन्य कार्यमा संलग्न कर्मचारी तथा श्रमिकहरुको स्वास्थ्य सुरक्षा मापदण्ड पालना गरी संचालन गर्न सकिने नगरपालिकाले जनाएको छ ।
प्रतिक्रिया