रुपन्देहीको देवदहमा कोरोनाको कारण एक जनाको मृत्यु

बुटवल । रुपन्देहीमा कोरोना भाइरसका कारण १ जनाको मृत्यु भएको छ ।

जिल्लाको देवदह नगरपालिकाका एक व्यक्तिको बुधवार कोरोना पोजेटिभ नतिजा आएको र बिहीवार मृत्यु भएको देवदह नगरपालीकाका प्रमुख हिरा केसीले बताए ।

नगरपालीकाको वडा ३ निवासी ७० वर्षीय पुरुष पहिलेबाट नै अन्य रोगको बिरामी रहेकाले परिवारले उपचार गराइरहेको थियो । गत शनिवार पुन : व्यथाले च्यांपेपछि उनलाई देवदह मेडिकल कलेजमा लगिएको थियो । आईसियुमै राखेर उपचार गरिएका उनको मंगलवार स्वाब परिक्षणका लागि पठाईएको र बुधवार रिपोर्ट पोजेटिभ आएको प्रमुख केसीले जनाए ।

मृत्यु भएका व्यक्ति लामो समय देखि पक्षघात, सुगर, प्रेसरको बिरामी रहेका थिए । पहिले भैरहवा मेडिकल कलेजबाट घर लैजान भन्दै घर ल्याईएका बिरामीलाई पिडा बढी भएपछि देवदह मेडिकल कलेजको आईसियूमा राखिएकोमा उनको मृत्यु भएको नगर प्रमुख केसीले बताए ।
रुपन्देहीमा आज भएको मृत्यु संगै कोरोनाबाट मृत्यु हुनेको संख्या २ पुगेको छ ।

कोरोना पोजेटिभका कारण पुरुषको मृत्यु भएपछि देवदह–३, शिसपुरलाई शिल गरिएको छ भने मेडिकल कलेज र मृतकका परिवारलाई सेल्फ क्वारेन्टाईनमा बस्न भनिएको छ । उनीहरुको स्वाब संकलनको काम जारी रहेको केसीले बताए ।