काठमाडौं । नेपालमा कोरोना भाइरसको संक्रमणको रफ्तार निरन्तर उकालोलाग्दो क्रममा छ ।
शुक्रबारसम्म भाइरसबाट संक्रमित हुनेको संख्या २९ हजार पुगिसकेको छ ।
शुक्रबार मात्रै कोरोना भाइरसका ८३८ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले अपरान्ह आयोजना गर्ने नियमित कोरोना अपडेट प्रेस ब्रिफिङमार्फत ८३८ जना संक्रमित थपिएको जनाएको हो ।
१३ हजार ५९९ वटा नमुना पीसीआर परीक्षणमा ८३८ संक्रमित थपिएको मन्त्रालयका प्रवक्ता प्राडा. जागेश्वर गौतमले बताए । संक्रमितको संख्या ३० हजार ४८३ जना पुगेका छन् ।
काठमाडौं उपत्यकामा १४२ जना संक्रमित थपिएका छन् । काठमाडौंमा १४२ जना, ललितपुरमा २५ जना र भक्तपुरमा १५ जना संक्रमित थपिएको गौतमले जानकारी दिए ।
देशभर १३३ जना आईसीयूमा र १५ जना कोरोना संक्रमितको भेन्टिलेटरमा उपचार भइरहेको छ ।
पछिल्लो २४ घण्टामा कोरोना संक्रमणबाट मुक्त भएर २५० जना घर फर्किएका छन् । हालसम्म डिस्चार्ज हुनेको संख्या १८ हजार २१४ पुगेको छ ।
देशभरका क्वारेन्टिनमा १२ हजार २३४ जना रहेको पनि प्रवक्ता गौतमले बताए ।
प्रतिक्रिया