विश्व स्वास्थ्य संगठन (डब्लूएचओ)ले विश्वभर फैलिएको कोरोना भाइरसको महामारी दुई वर्षभन्दा कम समयमा हराउने आशा गरेको छ।
डब्लूएचओका प्रमुख डा. टेड्रोस एडहानम गेब्रियससले सन् १९१८ मा फैलिएको स्पेनिस फ्लुको तुलनामा कोरोना महामारी छिटो नियन्त्रणमा आउने सम्भावना रहेको बताएका हुन् ।
डा. टेड्रोसका अनुसार भूमण्डलीकरण र विश्वभरका मानिस एकअर्काको सम्पर्कमा रहेका कारण कोरोना संक्रमण विश्वव्यापी रूपमा छिटो फैलिएको हो।
तर उन्नत प्रविधिका कारण कोरोना महामारी स्पेनिस फ्लुभन्दा छिट्टै नियन्त्रणमा हुने विश्वास उनले व्यक्त गरेका हुन् ।
सन् १९१८ फ्रेबुअरीदेखि १९२० अप्रिलसम्म अर्थात् दुई वर्षभन्दा बढी समयसम्म स्पेनिस फ्लुको आतंक रहेको थियो। सो फ्लुले श्विका २ करोड मानिसको ज्यान लिएको थियो।
हाल, विश्वभर कोरोना भाइरसको संक्रमणबाट मृत्यु हुनेको संख्या आठ लाखको नजिक पुगेको छ ।
जोन हप्किन्स विश्वविद्यालयले अपडेट गर्ने कोरोना तथ्यांक अनुसार शनिबार बिहानसम्म विश्वभर मृत्यु हुनेको स)ख्या सात लाख ९७ हजार पुगेको छ ।
कोरोना संक्रमितको संख्या दुई करोड २८ लाख भन्दा बढी पुगिसकेको छ ।
अमरीका सबैभन्दा धेरै प्रभावित हुने देश बनेको छ । जहाँ कोरोना संक्रमितको संख्या ५६ लाखा हजार पुगेको छ भने मृतकको संख्या १ लाख ७५ हजार नाघेको छ ।
ब्राजिलमा कोरोना संक्रमितको संख्या ३५ लाख ३२ पुगेको छ । मृतकको संख्या १ लाख १३ हजार कटिसकेको छ ।
छिमेकी भारतमा कोरोना संक्रमण दर तिब्र गतिमा बढिरहेको छ । भारतमा हालसम्म २९ लाखा बढी संक्रमित भैसकेका छन् भने ५५ हजार बढीको मृत्यु भएको छ ।
नेपालसँग जोडिएका उत्तरप्रदेश र बिहारमा कोरोना संक्रमण तिब्र गतिमा फैलिरहेको छ ।
प्रतिक्रिया