वीरगन्ज । वीरगन्जमा फेरि अर्का एक जना कोरोना संक्रमितको मृत्यु भएको छ ।
पर्साको बहुदरमाई नगरपालिका वडा नं. ४ डकैला बहुअरीका एक पुरुषको शनिबार बिहान ७स्१० बजे वीरगन्जमा मृत्यु भएको हो ।
मुटु, उच्च रक्तचाप र दम रोगबाट ग्रसित ६१ वर्षीय ती पुरुषको नारायणी अस्पताल अन्तर्गतको कोभिड विशेष अस्पताल वीरगञ्ज हेल्थ केयरमा मृत्यु भएको हो ।
उनको भदौ ३ गते स्वाब परीक्षण गर्दा पीसीआर रिपोर्ट पोजेटिभ आएपछि ४ गते वीरगञ्ज हेल्थ केयरमा ल्याइएको थियो ।
त्यतिबेलासम्म उनको स्वास्थ्य अवस्था जटिल भैसकेको थियो । त्यसअघि उनी अर्थो ट्रमा सेन्टरमा उपचार गरिरहेका थिए ।
यसअघि शुक्रबार राति ८ बजे वीरगन्जकै एक पुरुषको मृत्यु भएको थियो ।
यससँगै पर्सामा कोरोना भाइरसको संक्रमणबाट मृत्यु हुनेको संख्या ३६ पुगेको छ । जसमध्ये पर्साका मात्रै २७ जना रहेका छन् ।
प्रतिक्रिया