विश्व स्वास्थ्य संगठन (डब्ल्यूएचओ) ले ५ वर्ष भन्दा कम उमेरका बालबालिकालाई मास्क नलागाइदिन आग्रह गरेको छ ।
डब्ल्यूएचओ कोरोनाबाट बच्न मास्क लगाउनेबारे नयाँ नियम जारी गर्दै ५ वर्ष कम उमेरका वच्चालाई मास्क नलगाइदिन उनीहरुका परिवारलाई आग्रह गरेको हो ।
डब्लुएचओले ६ वर्षदेखि ११ वर्ष उमेरसम्मका बालबालिकालाई भने मास्क लगाउन र फुकाल्न परिवारले मद्दत गर्नुपर्ने जनाएको छ ।
डब्ल्यूएचओले स्वीकार गरेको छ कि वच्चाले कति भाइरस फैलाउन सक्छन् भन्ने बारेमा अहिलेसम्म स्पष्ट हुन सकेको छैन, तर किशोरावस्थाकाले भने वयस्क व्यक्तिले जस्तै भाइरस फैलाउन सक्छन् ।
त्यसैले डब्ल्यूएचओले मास्क लगाउने विषयमा नयाँ सुझाव जारी गर्दै १२ वर्षभन्दा माथिका बालबालिकाले अनिवार्य माक्स लगाउनुपर्ने सल्लाह दिएको हो ।
डब्ल्यूएचओले ६० वर्ष भन्दा कम उमेरका मानिसले कपडाको मास्क लगाउँदा पनि हुने जनाएको छ । तर, यसभन्दा माथिको उमेरका व्यक्ति एवं गम्भीर रोगबाट ग्रसित व्यक्तिले भने अनिवार्य मेडिकल मास्क लगाउनु पर्ने पनि डब्लुएचओले जनाएको छ ।
प्रतिक्रिया