८ जेष्ठ २०८१, मंगलबार | May 21, 2024

बुटवलको कोरोना विषेश अस्पतालमा प्लाज्मा थेरापीबाट उपचारको तयारी, संक्रमण मुक्त चिकित्सकको रगत निकालियो



बुटवल । कोरोना उपचारमा प्लाज्मा थेरापीको चर्चा चलेपछि लुम्बिनी प्रादेशिक अस्पतालले सञ्चालन गरेको बुटवलको कोशोना बिशेष अस्पतालमा प्लाज्मा थेरापी विधिबाट कोरोना संक्रमित विरामीको उपचारको तयारी गरिएको छ ।

प्लाज्मा थेरापिको बिधीबाट कोरोनाको उपचार हुने चर्चा चलेसँगै अस्पतालले थेरापी गर्नका लागि संक्रमण मुक्त भएका अस्पतालकै एक जना चिकित्सकको रगत निकालिएको लुम्बिनी प्रादेशिक अस्पतालका प्रवक्ता डा.बिष्णु गौतमले बताए । उपचार बिधि सुरु गर्न केही दिनअघि कोरोना संक्रमणबाट मुक्त भएका लुम्बिनी प्रादेशिक अस्पताल चिकित्सक डा. साजन श्रेष्ठबाट रगत संकलन गरिएको डा. गौतमले बताए । आवश्यकता अनुसार संक्रमितलाई प्लाज्मा थेरापी गरिने उनले बताए ।

कोरोना संक्रमित भएर निको भएका बिरामीको रगतबाट प्लाज्मा छुट्याएर गम्भीर संक्रमित बिरामीलाई दिने प्रक्रियालाई प्लाज्मा थेरापी भनिएको छ । यो बिधिले संक्रमित बिरामीलाई रोग प्रतिरोधात्मक क्षमता बढाउन मद्दत गर्ने बताईएको छ । यो उपचार विधि सफल हुने नहुने अझै निश्चित भने छैन ।

सोमबारबाटै स्वास्थ्य तथा जनसंख्या मन्त्रालयका प्रवक्ता प्राडा। जागेश्वर गौतमले नियमित कोरोना प्रेस ब्रिफिङमा प्लाज्मा थेरापीको ट्रायल सुरु गरिसकिएको जानकारी गराएका थिए ।

धरानस्थित वीपी कोइराला स्वास्थ्य विज्ञान प्रतिष्ठानमा प्लाज्मा थेरापी गरेका ६८ वर्षीय एक पुरुषको आइतबार साँझ उपचारकै क्रममा मृत्यु भएको थियो । यद्यपी, सरकारले प्लाज्मा थेरापीलाई ट्रयालको रुपमा सुरु गरिसकेको छ ।

कोरोना बिशेष अस्पतालमा १७ जना संक्रमितको आईसियूमा सघन उपचार भईरहेको छ भने समान्य वार्डमा २३ जनाको उपचार चलिरहेको छ । अस्पतालले रुपन्देही सहित कपिलवस्तु, पश्चिम नवलपरासी, गुल्मी, पाल्पा र अर्घाखाँची सम्मका लक्षण सहितको संक्रमितलाई सेवा दिईरहेको छ ।

प्रकाशित मिति : ८ भाद्र २०७७, सोमबार  ५ : ०२ बजे

बागलुङका ११ हजार बालबालिकालाई आइपिभी खोप लगाइँदै

बागलुङ । बागलुङमा यस वर्ष ११ हजार सात सय ७१

संसदीय छानबिन समितिको कार्यादेश टुंग्याउन कार्यदल बैठक बस्दै, सहमतिको सम्भावना न्यून

काठमाडौं । सहकारी ठगी प्रकरण छानबिन गर्न बनाउने भनिएको संसदीय

लोमान्थाङको नाम्डोक खोलामा पक्की पुल निर्माण

म्याग्दी । गण्डकी प्रदेशको भाग्यरेखा मानिएको राष्ट्रिय गौरवको उत्तर–दक्षिण जोड्ने

बैशाख मसान्तसम्म ११ खर्ब ७७ अर्ब १८ करोड व्यापार घाटा

काठमाडौं । चालू आर्थिक वर्षको बैशाख मसान्तसम्ममा ११ खर्ब ७७

स्लट लिभरपुलको प्रशिक्षक नियुक्त

काठमाडौं । आर्ने स्लट लिभरपुलको  प्रशिक्षक बनेका छन् । लिभरपुलले