१६ चैत्र २०८०, शुक्रबार | March 29, 2024

प्रत्येक प्रदेशका २/२ जिल्लामा ४ भेन्टिलेटर र १० आइसीयू बेड थपिदै; दुई दुई करोड रुपैयाँ निकासा



काठमाडौं । सरकारले प्रत्येक प्रदेशका २/२ जिल्लामा ४ भेन्टिलेटर र १० आइसीयू बेड निर्माण गर्नका लागि बजेट निकासा गरेको छ ।

प्रतिनिधिसभा शिक्षा तथा स्वास्थ्य समितिको मंगलबारको भर्चुअल बैठकमा स्वास्थ्य तथा जनसंख्या मन्त्रालयका प्रमुख विशेषज्ञ रोशन पोखरेलले भेन्टिलेटर र आईसीयू बेड निर्माण गर्न दुई दुई करोड पठाइसकेको जानकारी गराएका छन् ।

पोखरेलले ती अस्पतालमा भेन्टिलेटर र आइसीयू बेड संचालन गर्ने चिकित्सक पनि पठाउने तयारी रहेको जानकारी दिए ।

यसैगरी पोखरेलले कोरोना संक्रमणको जोखिम बढी भएका जिल्लामा एमडी र एमएस पास गरेका चिकित्सक खटाइएको पनि बताएका छन् । पोखरेलले भने, ‘सरकारले प्रदेश २ मा मात्रै २३ जना स्वास्थ्यकर्मी पठाउन लागिएको छ ।’ उनले भने, ‘११ जना नारायणी उपक्षेत्रीय अस्पताल गइसकेका छन् । गौर अस्पताल र जनपुरमा पनि आजभोलिमा जानुहुन्छ ।’

बैठकमा काठमाडौं उपत्यकामा कन्ट्याक्ट ट्रेसिङको कामलाई स्थानीय तहको समन्वयमा अगाडि बढाउन लागिएको पनि पोखरेलले बताए । उनले एक साताभित्र काठमाडौं उपत्यकामा कन्ट्याक्ट ट्रेसिङमार्फत् ४० देखि ५० हजार स्वाब परीक्षणको तयारी भैरहेको जानकारी दिए ।

उपत्यका प्रवेश नाकामा कडाइ गर्दै कन्ट्याक्ट ट्रेसिङको कामलाई मन्त्रालयले तीव्रता दिइरहेको पनि उनले जनाएका छन् । यस्तै, उपत्यकामै ६ हजार आइसोलेसन बेड बनाउने तयारी भइरहेको पनि उनले बताए ।

पोखरेलले कोरोना संक्रमितको कन्ट्याक्ट ट्रेसिङमा देशभर १ हजार ७५ टिम खटिएको समेत जानकारी दिए ।

उनले घरमा छुट्टै बस्न सक्ने संक्रमितलाई स्थानीय तहको स्वास्थ्यकर्मीको निगरानीमा होम आइसोलनमा र घरमा बस्न नसक्नेलाई सरकारले आइसोलेसनमा राख्ने बताए ।

बैठकमा सांसदहरुले काठमाडौं उपत्यकाभित्र कोरोना संक्रमितलाई होम आइसोलेसनमा राख्न नहुने बताएका थिए ।

प्रकाशित मिति : ९ भाद्र २०७७, मंगलबार  ३ : ४८ बजे

दुर्गा प्रसाईंको हतियारको इजाजतपत्र र नवीकरण बारे छानबिन गर्न समिति गठन

काठमाडौँ । गृहमन्त्रालयले  दुर्गा प्रसाईंको नाममा रहेको हतियारको इजाजतपत्र र

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले

महिला सशक्तिकरणको मुख्य आधार आर्थिक सवलीकरण हो : प्रधानमन्त्री प्रचण्ड

काठमाडौं ।। प्रधानमन्त्री पुष्पकमल दाहाल ‘प्रचण्ड’ले महिला सशक्तिकरणको सबैभन्दा प्रमुख