२४ घण्टामा थपिए कोरोना भाइरसका ८५५ जना नयाँ संक्रमित

काठमाडौं । पछिल्लो २४ घण्टामा जना ८५५ जना कोरोना भाइरसका नयाँ संक्रमित थपिएका छन् ।

११ हजार ३२७ पीसीआर परीक्षणमा ८५५ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले जनाएका छन् ।

जसमध्ये २७१ जना महिला र ५८४ जना पुरुष रहेका छन् । यससँगै हालसम्म संक्रमितको संख्या ३३ हजार ५ सय ३३ पुगेको छ ।

देशभर सक्रिय संक्रमितको संख्या १४ हजार २५० रहेको छ । संस्थागत आइसोलेसनमा ८ हजार ५८१ रहेका छन् । यस्तै, ५ हजार ६६९ जना होम आइसोलेसनमा रहेका छन् ।

क्वारेन्टिनमा १० हजार ४५३ जना रहेका छन् ।