काठमाडौं । कोरोना भाइरसको संक्रमणबाट पछिल्लो २४ घण्टामा थप सात जनाको मृत्यु भएको छ ।
स्वास्थ्य तथा जनसंख्या मन्त्रालयले गरेको पछिल्लो अपडेट अनुसार काठमाडौंमा तीन जनाको मृत्यु भएको छ । जसमध्ये एक जना महिला र दुई जना पुरुष रहेका छन् ।
७१ वर्षीय महिला एवं ७४ र ६६ वर्षीय पुरुषको काठमाडौंभित्र मृत्यु भएको मन्त्रालयका प्रवक्ता प्राडा जागेश्वर गौतमले जानकारी दिए ।
यसैगरी रुपन्देहीमा ५३ वर्षीय एक पुरुषको मृत्यु भएको छ ।
यस्तै, सिराहामा २२ वर्षीय युवाको ज्यान गएको छ भने पर्साका ६७ वर्षीय पुरुष र धनुषाका ७६ वर्षीय पुरुषको पनि मृत्यु भएको गौतमले जानकारी दिए ।
यससँगै स्वास्थ्य मन्त्रालयको आधिकारिक तथ्यांक अनुसार देशभर कोरोना संक्रमणबाट मृत्यु हुनेको संख्या १६४ पुगेको छ ।
प्रतिक्रिया