बुटवलमा थपिए २५ नयाँ कोरोना संक्रमित, ३ जनाको अवस्था गम्भिर

बुटवल । पछिल्लो २४ घन्टामा बुटवल उपमहानगरपालिकामा २५ जना कोरोना संक्रमित थपिएका छन् । थपिएका संक्रमितमा १५ जना पुरुष छन् भने १० जना महिला रहेका छन् ।

उपमहानगरपालिकाका स्वास्थ्य शाखा प्रमुख कुन्दन कुमार सिंहले दिएको जानकारी अनुसार मंगलबार साझ ४ बजे सम्मको तथ्यांकअनुसार वडा न २ मा १ जना, वडा न ४ मा ४ जना, वडा न ६ मा ५ जना, वडा न ८ मा ३ जना, वडा न ११ मा ५ जना, वडा न १२ मा २ जना, वडा न १३ मा २ जना, वडा न १५ मा १ जना र वडा नखुलेका २ जना गरि जामा २५ जनामा कोरोना संक्रमण पुष्टि भएको छ ।

मंगलबार थपिएका २५ जना संक्रमित मध्ये ३ जनाको अवस्था गम्भिर भएका कारण बुटवलको धागो कारखानामा रहेको कोरोना विशेष अस्पतालमा उपचार भैरहेको छ भने ३ जनाको बुटवल वडा न ११ देवीनगरस्थित एन्फा एकेडेमीमा रहेको आइसोलेसनमा राखेर उपचार भैरहेको छ तथा बाँकी १९ जना होम आइसोलेसनमा बसेका छन् ।

सिंहका अनुसार पछिल्लो २४ घन्टामा बुटवल उपमहानगरपालिका वडा न १ का ५५ बर्षीय पुरुषको उपचारको क्रममा मृत्यु भएको छ। उनको उपचारको क्रममा हिजो भक्तपुर अस्पतालमा मृत्यु भएको छ ।

मिर्गौलाको समस्यापछी निरन्तर डायलिसिस गराउदै आएका उनलाई भदौ ६ गते कोरोना संक्रमण पोजेटिभ देखिएको थियो ।