सेयर बजारले निषेधाज्ञा तोडेकै हो त ! बजार २१.१० अंकले बढ्दा २ अर्व ६५ करोड भन्दा माथिको कारोबार

काठमाडौं। सेयर बजार निषेधाज्ञा तोड्दै २१.१० अंले बढेको छ । बुधबार बढेको बजारमा २ अर्व ६५ करोड भन्दा माथिको कारोबार भएको छ ।

बजार निरन्तर  बढेपछि नेप्से १४६२ अंकमा पुगेको छ । निषेधाज्ञामा अन्य क्षेत्रमा लगानी ठप्प हुँदा सबै लगानीकर्ता सेयर बजारतिर लागेको हुनाले बजार बढेको एक लागनीकर्ताले बताए ।

बुधबारबाट कारोबार सुरु गरेको एनआरएन इन्फ्रस्ट्रक्चर एण्ड डेभलपमेन्ट कम्पनीको शेयरमूल्य सबैभन्दा धेरै ९.८० प्रतिशतले बढेको छ।
बुधबारको बजारमा नेपाल पूर्वबिमा कम्पनीको सर्वाधिक ३४ करोड ९२ लाख भन्दा माथिको कारोबार भएको छ यस्तै नेको इन्स्योरेन्सको १३ करोड ७८ लाख रुपैयाँको कारोबार भएको छ ।

नेपाल लाइफ इन्स्योरेन्सको १२ करोड ५२ लाख रुपैयाँ, एनआइसी एशिया बैंकको १० करोड ४० लाख रुपैयाँ, सुर्या लाइफ इन्स्योरेन्सको ८ करोड २९ लाख रुपैयाँ र एनएमबि बैंकको ७ करोड ९६ लाख रुपैयाँ बराबरको शेयर कारोबार भएको छ।

कारोबारको दुई घण्डासम्म लगानीकर्ता बिमा र लघुबित्तमा झुम्मिएका थिए भने अन्तिम दुई घण्टामा लगानीकर्ता बैंकतर्फ आकर्षित भएका थिए ।

बुधवारको कारोबारमा ११६ कम्पनीको सेयर मुल्य बढेको छ भने ३४ कम्पनीको घटेको छ। १६ कम्पनीको स्थिर रहेको छ।