कावासोती । पूर्वी नवलपरासीमा थप ८ जनामा कोरोना संक्रमण पुष्टि भएको छ ।
जिल्लाको देवचुली नगरपालिका वडा नं १५ कि ५० वर्षीय महिला र देवचुली–१६ का ३० वर्षीय पुरुषमा संक्रमण देखिएको छ ।
५० वर्षीय महिला खानेपानी सप्लाई गर्ने संस्थामा कार्यरत व्यक्ति हुन ।
यस्तै जिल्लाकै विनयी त्रिवेणी गाँउपालिका वडा नं ४ का १७, ४०, ६१ र ६७ वर्षीया ४ जना महिलालाई पनि संक्रमण पुष्टि भएको छ ।
यसैगरी, वडा नं २ का २० र ६२ वर्षीय दुई पुरुषमा संक्रमण पुष्टि भएको जिल्ला स्वास्थ्य कार्यालय नवलपुरका प्रमुख केशव चापागाईंले बताए ।
संक्रमितलाई देवचुलीको रजहरमा रहेको जिल्लाकै आईसोलेशन प्राकृतिक चिकित्सलाय अस्पतलाल लगिएको चापागाईले जानकारी दिए ।
जिल्लामा क्रियाशिल ६ जना संचारकर्मीलाई समेत कोरोना संक्रमण भएको छ ।
यो पनि पढ्नुहोस : पूर्वी नवलपरासीमा थपिए २७ नयाँ संक्रमित, गैंडाकोटका मात्रै १७ जना
गण्डकी प्रदेशको स्वास्थ्य निर्देशनालयका अनुसार पोखरास्थित क्षयरोग उपचार केन्द्रमा गरिएको परीक्षणमा पूर्वी नवलपरासीका ८ जनासहित प्रदेशमा १७ जना नयाँ संक्रमितहरु थपिएका हुन् ।
थप संक्रमितहरुमा लमजुङको मर्स्याङ्दी–४ का एक जना संक्रमित रहेका छन् । उनी भारतबाट फर्किएको स्वास्थ्य निर्देशनालयले जनाएको छ ।
यस्तै, पोखरा महानगरपालिका–१७ का २ जना पर्यटक प्रहरीसहित ३ जना, तनहुँ शुक्लगण्डकी र व्यासका ४ जना रहेका छन् ।
प्रतिक्रिया