चितवनमा कोरोना संक्रमित अर्का व्यक्तिको मृत्यु

चितवन । चितवनमा शुक्रबार कोरोना भाइरसका दुई जना संक्रमितको मृत्यु भएको छ ।

भरतपुर महानगरपालिका वडा नं. २ क्षेत्रपुरका ५१ वर्षीय पुरुषको शुक्रबार बिहान १० बजे मृत्यु भएको हो ।

भरतपुरको पुष्पाञ्जली अस्पतालमा उपचाररत ती पुरुषलाई भेन्टिलेटरमा राखेर उपचार गरिँदै आएको अस्पतालका कोभिड १९ फोकल पर्सन डा. सन्दीप पाण्डेले बताए ।

फोक्सो र दमको समस्या रहेका ती पुरुषलाई आईसीयू रभेन्टिलेटरमा राखेर उपचार गरिएपनि जोगाउन नसकेको अस्पतालले जनाएको छ ।

यसअघि शुक्रबार बिहान भरतपुरस्थित चितवन मेडिकल कलेजमा उपचाररत हेटौंडाकी ७१ वर्षीया महिलाको मृत्यु भएको थियो ।

योसँगै, चितनवमा मात्रै कोरोना भाइरसको संक्रमणबाट ८ जना व्यक्तिको निधन भएको छ । जसमध्यो चार जना चितवनका, तीन जना हेटौंडाका र एक जना कैलालीका हुन् ।