काठमाडौं । शुक्रबार कोरोना भाइरसका ९२७ जना नयाँ संक्रमित थपिएका छन् ।
१० हजार २२९ नमुना पीसीआर परीक्षणमा ९२७ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ । जसमध्ये ३३४ महिला र ९२७ पुरुष रहेका छन् ।
यसँगै हालसम्म संक्रमित हुनेको संख्या ३६ हजार ४५६ पुगेको छ ।
काठमाडौं उपत्यकामा मात्रै ४१५ जना थपिएका छन् । जसमध्ये काठमाडौंमा सबैभन्दा धेरै ३५० रहेको छ । भक्तपुरमा ५४ जना र ललितपुरमा ११ जना थपिएका छन् ।
देशभर सक्रिय संक्रमितको संख्या १६ हजा र १९ रहेको छ । जसमध्ये होम आइसोलेनमा ६ हजार ४४६ जना बसेका छन् । संस्थागत आइसोलेसनमा ९ हजार ५७३ जना बसिरहेका छन् ।
२४ घण्टामा १६९ जना निको भएर घर फर्किएका छन् । हालसम्म डिस्चार्ज हुनेको संख्या २० हजार २४२ पुगेको छ ।
यसैबीच, सरकारले देशभरका सबै केन्द्रीय अस्पतालहरुमा १ हजार बेड थपेको छ ।
यस्तै प्रादेशिक अस्पतालहरुमा १ हजार ९५७ बेड थपेको छ ।
यसैगरी ६४९ पालिकामा कम्तिमा पाँच बेडसहित ३ हजार २४५ बेड जनशक्तिसहित थपिएको मन्त्रालयका प्रवक्ता डा. जागेश्वर गौतमले जानकारी गराएका छन् ।
प्रतिक्रिया