प्रदेश ५ मा बढ्दै कोरोना कहर : प्रयोगशालाले परीक्षण थेग्नै मुस्किल

बुटवल । प्रदेश ५ मा दिन प्रतिदिन कोरोना संक्रमितहरुको संख्या बढ्दै जाँदा प्रदेशमा स्थापना गरिएका प्रयोगशालाहरुले नमुना जाँच्न सकेका छैनन ।

कोरोना संक्रमितहरुको सम्पर्कमा आएका कन्ट्याक टे«सिङबाट पत्ता लगाइएका व्याक्तिहरुको नमुना संकलन गरिएको भएपनि ति नमुना जाँच्नको लागि ल्याव अभाव भएको हो ।

क्षमता भन्दा बढि नमुना संकलन भएपछि प्रदेशमा संक्रकलन गरिएका नमुनाहरु यत्तिकै थन्किएका छन । प्रदेश ५ मा अहिले ४ स्थानमा कोरोनाको परिक्षण हुदै आएको छ । कोरोना संक्रमितहरुको संख्या बढ्दै गएपछि यहाँ संकलन गरिएका नमुनाहरुको काठमाण्डौंमा रहेको राष्ट्रिय जनस्वास्थ्य प्रयोगशालामा समेत पठाउने गरिएको छ ।

जसको कारण नतिजा आउनमा समेत ढिलाई हुने गरेको छ । शनिवार सम्म प्रदेशमा १ हजार २ सय ७८ वटा संकलित नमुना जाँच्न अझै बाँकी छ । यहाँ संकलन गरिएका नमुना प्रादेशिक जनस्वाथ्य प्रयोगशाला (विउ विजन प्रयोगशाला भैरहवा), लुम्बिनी प्रादेशिक अस्पताल बुटवल, भेरी अस्पताल प्रयोगशाला बाँके र राप्ती स्वाथ्य विज्ञान प्रतिष्ठान दाङमा स्थापना गरिएको प्रयोगशालामा परिक्षण हुदै आएको छ ।

प्रदेश ५ को सामाजिक विकास मन्त्रालयका सूचना अधिकारी डा. पुष्पराज पौडेलका अनुसार यहाँ स्थापना गरिएको प्रयोगशालाको क्षमता भन्दा बढि नमुना संकलन भैरहेको कारण काठमाण्डौमा समेत पठाउने गरिएको जानकारी दिए ।

यसको अलवा रुपन्देहीमा रहेको निजी ल्याब नेशलन प्याथ ल्याव एण्ड रिसर्च सेन्टरमा परिक्षण हुदै आएको छ । प्रदेशमा शुक्रबार मात्रै कुल ६ हजार ६ सय १ जना कोभिड संक्रमित रहेका छन ।

संक्रमितहरु मध्ये २२ देखि २३ प्रतिशतमा लक्षण सहितको कोरोना संक्रमितहरु रहेका छन । सामाजिक विकास मन्त्रालयका सूचना अधिकारी डा. पुष्पराज पौडेलका अनुसार विहिवार मात्रै कुल ९६ जना संक्रमित थपिएकोमा शुक्रबार पनि ७२ जना नयाँ कोरोना संक्रमित थपिएका छन । प्रदेशमा हाल सम्म कोरोना संक्रमणकै कारण कुल २७ जनाले ज्यान गुमाएका छन ।

प्रदेश ५ मा १ सय ५ जना स्वाथ्य कर्मीहरु समेत संक्रमित भएका छन । १ सय ४ जना कोरोना संक्रमितहरुले कोरोना विषेश अस्पतालमा उपचाररत रहेका छन ।

प्रदेश ५ को जाँचको प्रक्रियामा रहेका नमुनामा राष्ट्रिय जनस्वाथ्य प्रयोगशालामा कुल ३ सय २० नमुना जाँचको प्रक्रियामा रहेका छन । यस्तै भैरहवामा रहेको प्रदेश जनस्वाथ्य प्रयोगशालामा आझै १ हजार २ सय ७८ वटा नमुना जाँच्न बाँकी छ ।

यस्तै भरी अस्पताल बाँकेमा कुल ६ सय ६ वटा नमुना अझै जाँच्न बाँकी छ भने राप्ती स्वाथ्य विज्ञान प्रतिष्ठानको प्रयोगशालामा कुल ५ सय २२ संकलित नमुना जाँच्न बाँकी छ । यस्तै बुटवलमा रहेको लुम्बिनी प्रादेशिक अस्पतालको प्रयोगशालामा कुल २ सय ४२ नमुना जाँचको क्रममा रहेका छन ।