वीरगन्ज । प्रहरीले ९० हजार भारतीय रुपैयाँ हुण्डीको रकमसहित एक जनालाई पक्राउ गरेको छ ।
वीरगन्जको सिर्सिया प्रहरी चौकीका प्रहरीले शनिबार बिहान वीरगन्ज महानगरपालिका वडा नं. १७ अलौ नाकाबाट सो रकमसहित एक भारतीय नागरिकलाई पक्राउ गरेको हो ।
भारतबाट नेपाल भित्रिँदै गरेको ना ५६ प ६८७८ नम्वरको मोटसाइकलमा रहेका भारतको बेतिया निवासी ३० वर्षीय साहलाई चेकजाँच गर्दा ९० हजार भारतीय नोट फेला परेको थियो ।
अनुसन्धानको क्रममा साहसँग रहेको रकम हुण्डीको भएको पुष्टि भएको सिर्सिया प्रहरी चौकीका इन्चार्ज गजानन्द साहले बताए । साहमाथि थप अनुसन्धान भैरहेको प्रहरीले जनाएको छ ।
साहलाई सशस्त्र प्रहरीको सीमा सुरक्षा पोष्टले भने त्यतिकै छोडेको थियो ।
लकडाउनको कारण सीमा नाका सिल भएपनि अलौ नाकावाट कारोबारीहरु नेपाल भित्रिरहेको छन्।
प्रतिक्रिया