पूर्वी नवलपरासीमा एक जना कोरोना संक्रमितको निधन

कावासोती ।पूर्वी नवलपरासीमा एक जना कोरोना संक्रमितको निधन भएको छ ।

विनयी त्रिवेणी गाउँपालिका ६ निवासी ६५ वर्षीय पुरुषको उपचारको क्रममा शनिबार चितवन मेडिकल कलेजमा निधन भएको छ ।

एक साता अघि उच्च ज्वरो आउने र स्वाशप्रस्वासमा समस्या भएपछि उनलाई उपचारको लागि चितवन मेडिकल कलेज लगिएको थियो ।

चितवन मेडिकल कलेजमा पीसीआर परीक्षणको क्रममा पोजेटिभ देखिएपछि उनको आइसियुमा राखेर उपचार भएको थियो ।

अस्पतालका अनुसार उनको शनिबार निधन भएको हो । घटनाको आधिकारिक पुष्टि भने आइतबार मात्र गरिने जनाइएको छ ।

पुर्बी नवलपरासीमा कोरोना संक्रमणका कारण ज्यान गुमाएको यो पहिलो घटना हो ।