नेपालगन्ज । बाँकेमा २४ जना संक्रमित कोरोना मुक्त भएर घर फर्कंदा १० जना संक्रमित थपिएका छन् । स्वास्थ्य कार्यालय बाँकेले दिएको जानकारी अनुसार भेरी अस्पतालको पहिलो लटको रिपोर्टमा बाँकेमा १० जना संक्रमित थपिएका छन् ।
आईतबार थपिएका संक्रमितहरुमा नेपाल टेलिकमका कर्मचारी २ जना, नेबील बैंकका कर्मचारी १ जना, नेपालगन्ज उपमहानगरका स्थानीय ४ जना, जानकी गाँउपालिकाका १ जना र महोत्तरी र बनेपा ठेगाना भएका बाँकेका बस्दै आएका २ जनामा संक्रमण पुष्टि भएको छ ।
आजै बाँकेमा १६ जना सशस्त्र प्रहरी जवानहरु सहित २४ जना कोरोना मुक्त भएर आइसोलेसनबाट बिदा भएका छन् । सशस्त्र प्रहरीको आईसोलेसनमा रहेका १६ जना सहित होटल सिटी प्लाजामा रहेका ग्लोबल आईएमई बैंकका ३ जना कर्मचारी, सुशिल कोईराला क्यान्सर अस्पताल खजुरामा उपचाररत खजुरा र कोहलपुरका १।१ जना तथा होटल अतिथी आइसोलेसनमा रहेका कोहलपुरका ३ जना आजै डिस्चार्ज भएर घर पठाईएको स्वास्थ्य कार्यालय बाँकेका कोरोना फोकल पर्शन नरेश श्रेष्ठले बताए ।
बाँकेमा ७२७ जनाले कोरोना जीतेर घर फर्केका छन् भने ६ जनाको मृत्यु भएको छ । आज थपिएका १० सहित १००० जनामा संक्रमण पुष्टि भएको छ ।
प्रतिक्रिया