बुटवल । बुटवलमा लुम्बिनी प्रादेशिक अस्पतालसहित निजी अस्पतालहरुले समयमै उपचार नगर्दिएपछि अनुनयविनय गरेर जेनस अस्पतालमा भर्ना भएकी ढुंगा खसेर गम्भिर घाईते ३ बर्षीया करिस्मा चौहानको उपचारका क्रममा मृत्यु भएको छ ।
पाल्पा तिनाउ गाँउपालिका ३ श्रीडाँडा माईत आएका बेला माईती दाईको घर माथिबाट ढुंगा खसेर गम्भिर घाईते भएका १९ वर्षीया आमा समीक्षा चौहानलाई लुम्बिनी सिटी अस्पतालले मंगलबार राती मृत घोषणा गरेको थियो । उनकी ३ वर्षीया छोरीको भने उपचारका क्रममा जेनस अस्पतालमा बिहीबार बिहान मृत्यु भएको छ ।
ढुगा खसेर गम्भिर घाईते भएका दुईजनाको उपचारका लगि बुटवलमा प्रायः सबै अस्पताल चाहार्दा पनि अस्पतालहरुले उपचार गर्न नमानेको तिनाउ ३ का वडा अध्यक्ष प्रेम पाण्डेले खुलासा गरेका थिए ।
धेरै अनुनयविनय गरेपछि जेनस अस्पतालले बल्ल तल्ल भर्ना लिएकी बालिकाको आज ८ः४५ बजे मृत्यु भएको वडा अध्यक्ष पाण्डेले जानकारी दिए ।
यो पनि पढ्नुहोस : भिरबाट ढुंगा खसेर घाईते भएकी महिलाको अस्पताल चाहार्दा चाहार्दै ज्यान गयो
बुटवलका निजी अस्पतालहरुले छानी छानी उपचार गर्ने पद्दतीको अन्त्य गर्नुपर्ने उनले बताए ।
अस्पताल खोलेर बस्ने तर बिरामीलाई नछुने, प्रेसर समेत नहेरिदिने र ज्वरो समेत ननापिदिने अस्पताललाई कारवाही हुनुपर्ने पाण्डेले माग गरे । ‘समयमा उपचार पाएको भए आमा र बच्चाको मृत्यु नहुन पनि सक्थ्यो’, उनले भने ।
घाईते बोकेर ४ घण्टा बुटवलमा अस्पताल घुमाउदा पनि उपचार नपाएको र अन्त्यमा लुम्बिनी सिटी अस्पतालले आमा समिक्षाको मृत्यु भएको घोषणा गरेको थियो ।
प्रतिक्रिया