काठमाडौं । बिहीबार रातो मत्स्येन्द्रनाथको रथ तान्न थालिएपछि भएको झडप थप उग्र बन्न नदिन ललितपुर प्रशासनले शुक्रबार बिहानैदेखि कर्फ्यु लगाएको छ ।
तर कर्फ्युकै बीचमा मत्स्येन्द्रनाथको रथ अगाडि क्षमा पूजा गरिएको छ । केही सीमित धार्मिक सरोकारवाला व्यक्तिहरुको उपस्थितिमा क्षमा पूजा गरिएको हो ।
यसअघि क्षमापूजा मात्र गरेर रथयात्रा विना देवतालाई बुङमती पुर्याउन पाटनका विभिन्न १८ जातीय खलः बीच सहमति भएको थियो ।
जसअनुसार भदौ २१ गते पुल्चोकमा रहेको मत्स्येन्द्रनाथको रथ त्यहाँबाट अलि पर रहेको सोह्रखुट्टेपाटीसम्म तान्ने र छ्वयलाबु (नेवार समुदायमा मनाउने एक किसिमको पर्व) मनाउने निर्णय गरिएको छ ।
यस्तै, २२ गते २२ गते भुस्ज्या (मत्स्येन्द्रनाथ यात्राको क्रममा मनाइने एक प्रकारको पर्व) मनाउने योजना बनाइएको छ ।
त्यसपछि साइत हेरेर २६ गते मत्स्येन्द्रनाथलाई अहिलेको रथबाट ओरालेर सानो खटमा राखेर बुङमती लगिने जनाइएको छ ।
प्रतिक्रिया