कोरोना भाइरसविरुद्ध खोप निर्माण गरिरहेको बेलायतको अक्सफोर्ड विश्वविद्यालय खोपको क्लिनिकल ट्रायलमा रोक लगाएको छ ।
अक्सफोर्डको यस कदमबाट कोरोना विरुद्धको खोप छिट्टै बजारमा आउन सक्ने विश्वासमा रहेको विश्वलाई नै गम्भीर धक्का पुगेको छ ।
खोप उत्पादक कम्पनी एस्ट्राजेनको सहकार्यमा क्लिनिकलट ट्रायलमा सहभागी एक जना स्वयंसेवक बिरामी परेपछि तत्कालका लागि अक्सफोर्ड विश्वविद्यालयले खोप परीक्षणमा रोक लगाउन बाध्य भएको हो ।
एस्ट्राजेनकाले यसलाई नियमित रोक भनेको छ किनकी परीक्षणमा सामेल व्यक्ति बिरामी पर्नुको कारणबारे अहिलेसम्म कुनै पत्ता लागेको छैन । यस घटनाले अचम्मित बनाएको कम्पनीले जनाएको छ ।
अक्सोफोर्ड विश्वविद्यालयमा भैरहेको खोप परीक्षणलाई पुरै विश्वले आशाका साथ हेरिरहेको छ ।
विश्वका करिब एक दर्जन स्थानमा कोरोना खोपको परीक्षण भैरहेको छ । जसमा अक्सफोर्डको परीक्षण सबैभन्दा रहेको बताइएको छ ।
कोरोना विरुद्ध चीनका तीन वटा कम्पनी, अमेरिकाका दुई वटा लगायत रुस र भारतले समेत कोरोना विरुद्धको खोप बनाइरहेका छन् ।
रुसले स्पुतनिक ५ नामक खोपको उत्पादन लाइसेन्स नै जारी गरिसकेको छ । चीनको सिनोभ्याक कम्पनीले बनाउँदै गरेको खोपको तेस्रो चरणको क्लिनिकल ट्रायल भैरहेको छ । रुसले यस
चीनले गत जुलाई देखि नै सेना र कोरोना विरुद्ध फ्रन्टलाइनमा काम गर्ने स्वास्थ्यकर्मीहरुलाई खोप लगाइसकेको जनाएको छ । यसवर्षको अन्तसम्मसम्म खोपको व्यवसायिक उत्पादन गर्न सफल हुने चीनले दाबी गरेको छ ।
यद्यपी, विश्व स्वास्थ्य संगठन डब्लुएचओका प्रवक्ताले भने केहिदिन अघि सन् २०२१ को मध्यसम्म कोरोना विरुद्धको खोप आउन नसक्ने बताएका थिए ।
प्रतिक्रिया