विराटनगर । कोरोना संक्रमणकाट विराटनगरमा थप एक जनाको मृत्यु भएको छ ।
विराटनगर स्थित कोशी अस्पताल कोभिड १९ उपचार केन्द्रमा उपचाररत विराटनगर ८ का ६९ वर्षीय पुरुषको शनिबार दिउँसो मृत्यु भएको हो ।
भदौ २२ गते उनमा कोरोना संक्रमण पुष्टि भएको थियो । शनिबार दिउँसो १२:३० बजे ती पुरुषको उपचारका क्रममा मृत्यु भएको जनस्वास्थ्य कार्यालय मोरङका प्रमुख ज्ञान बहादुर बस्नेतले जानकारी दिए ।
मृतक पुरुषमा सुगर र प्रेसरको समस्या समेत रहेको बस्नेतले जानकारी दिए ।
योसँगै विराटनगरमा कोरोना संक्रमणका कारण ज्यान गुमाउनको संख्या १७ पुगेको छ ।
प्रतिक्रिया