विराटनगर । विराटनगरमा थप दुईजना कोरोना संक्रमितको मृत्यु भएको छ ।
नोबेल शिक्षण अस्पताल विराटनगरमा उपचाररत संक्रमित दुई पुरुषको बुधबार बिहान मृत्यु भएको हो ।
मृत्यु हुनेमा एक जना मोरङ र अर्का एक जना झापाका पुरुष रहेका छन ।
मोरङको कटहरी गाउँपालिका-२ का ४५ वर्षीय पुरुषको आज बिहान ३:४५ बजे मृत्यु भएको अस्पतालका प्रबन्धक नारायण दाहालले जानकारी दिए ।
उनका अनुसार कोरोना पुष्टि भएपछि पुरुषलाई उपचारका लागि बैशाख १२ गते अस्पताल भर्ना गरिएको थियो । श्वासप्रश्वासमा समस्या भएपछि उपचारका लागि भर्ना गरिएका उनमा निमोनियाको पुरानै समस्या रहेको जानकारी दाहालले दिए ।
त्यस्तै झापाको झापा गाउँपालिका-१० का ५५ वर्षीय संक्रमित पुरुषको पनि उपचारका क्रममा नोबेलमै मृत्यु भएको छ ।
कोरोना देखिएपछि बैशाख १३ गते सोमबार अस्पताल भर्ना गरिएका उनको उपचारका क्रममा बिहान १ बजे मृत्यु भएको जानकारी दाहालले दिए । मृतकमा मधुमेहको पुरानै समस्या रहेको दाहालले जानकारी दिए ।
प्रतिक्रिया