काठमाडौं । कोरोना भाइरसको संक्रमण फैलिने क्रम दिनप्रतिदिन जारी छ । शनिबार भाइरसका १२ सय १ जना नयाँ संक्रमित थपिएका छन् ।
१० हजार १७६ पीसीआर परीक्षणमा १२ सय १ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले जानकारी दिए ।
यससँगै आजसम्म कुल संक्रमितको संख्या ५३ हजार १२० पुगेको छ ।
देशभर सक्रिय संक्रमितको संख्या शनिबार १५ हजार २६० रहेको छ । यसमध्ये ९ हजार १०७ जना संस्थागत आइसोलेसनमा रहेका छन् भने ६१५३ जना होम आइसोलेसनमा रहेका छन् ।
शनिबार कोरोना संक्रमणबाट ८५२ जना निको भएका छन् । हालसम्म निको हुनेको संख्या ३७ हजार ५२४ पुगेको छ ।
शनिबार क्वारेन्टिनमा रहनेहरुको संख्या ६ हजार ३५४ रहेको छ ।
प्रतिक्रिया