बाँकेमा थपिए ३६ नयाँ संक्रमित, संक्रमितको संख्या १४०० नाघ्यो

नेपालगञ्ज । बाँकेमा शनिवार जिल्लाका ३६ जना सहित ४० जना नयाँ कोरोना संक्रमित थपिएका छन् । स्वास्थ्य कार्यालय बाँकेले दिएको जानकारी अनुसार भेरी अस्पताल नेपालगञ्जको प्रयोगशालामा गरिएको परीक्षणमा ३५ र वागेश्वरी डाईग्नोष्टिकको परीक्षणमा ५ जना संक्रमित थपिएका हुन् ।

शनिवार थपिएका संक्रमितमध्ये भुमि सुधार तथा मालपोत कार्यालय नेपालगञ्जका लेखा अधिकृतसहित ८ जना कर्मचारी र ७ जना सेवाग्राही रहेको स्वास्थ्य कार्यालय बाँकेका अधिकृत तथा डीसीसीएमसीका कोरोना फोकलपर्शन नरेश श्रेष्ठले बताए ।

श्रेष्ठका अनुसार नयाँ संक्रमितहरुमध्ये नेपालगञ्जका १५, कोहलपुरका ३, राप्तीसोनारीका १, बर्दियाका २ तथा दाङ र सखुवासभाका एकएक जना गरी ४० जना छन् ।

बाँकेमा आज थपिएसँगै बाँकेमा संक्रमण पुष्टि भएकाहरुको संख्या १४०४ पुगेको छ भने ८ जनाको मृत्यु भएको छ , जिल्लामा ९८५ जना कोरोना मुक्त भएर डिस्चार्ज भएका छन् ।