नेपालगन्ज । बाँकेको नेपालगन्ज स्थित मालपोत कार्यालयमा एकै पटक १४ जना कर्मचारीलाई कोरोना संक्रमण पुष्टि भएपछि कार्यालयको काम ३ दिनका लागि स्थगित गरिएको छ ।
शनिबार भेरी अस्पताल प्रयोगशालाबाट आएको पीसीआर रिपोर्टमा एकसाथ १४ जना कर्मचारीमा संक्रमण पुष्टि भएपछि कार्यालय बन्द गरिएको हो । प्रमुख मालपोत अधिकृत प्रेम दौल्यालले एक सुचना प्रकाशित गर्दै भाद्र ३१ गते सम्मका लागि कार्यालय बन्द रहने जानकारी दिएका छन् ।
जोखिम नियन्त्रण गर्नका लागि कार्यालय बन्द गर्नु परेको सुचनामा उल्लेख गरिएको छ । बाँके मालपोत जिल्लामा सबैभन्दा बढी भिड हुने कार्यालय मध्यमा पर्दछ ।
प्रतिक्रिया