बुटवल । हप्ता भरीको रिपोर्ट संकलन गरेर शनिबार १२६ जना एकै दिन संक्रमित थपिएको बिवरण सार्वजानिक गरेको स्वास्थ्य कार्यालय रुपन्देहीले आईतबार भने जिल्लामा १४ जना मात्र नयाँ संक्रमित थपिएको जानकारी दिएको छ ।
स्वास्थ्य कार्यालय रुपन्देहीका अनुसार रुपन्देहीको बुटवल उपमहानगरमा ५ जना नयाँ संक्रमित थपिएकाछन् भने तिलोत्तमा नगरपालिकामा ३ जना, सिद्धार्थनगर नगरपालिकामा २ जना तथा देवदह नगरपालिका, मायादेबी गाँउपालिका, ओमसतिया गाँउपालिका र कञ्चन गाँउपालिकामा १।१ जना कोरोना संक्रमित थपिएका छन् । प्रादेशिक अस्पताल सहित केहि निजी अस्पतालले संक्रमितको बिवरण समयमा नपठाउने गरेकाले एकमुष्ठ आएका रिपोर्ट सार्वजानिक गर्दा शनिबार ठूलो संख्या देखिएको स्वास्थ्य कार्यालयका अधिकृत एवं कोरोना फोकलपर्शन केदारनाथ साहले जानकारी दिए ।
रुपन्देहीमा आज थपिएसंगै संक्रमितको कुल संख्या १६४४ पुगेको छ । जिल्लामा १५ जना संक्रमितको मृत्यु भईसकेको छ ।
प्रतिक्रिया