नेपालगन्ज । पछिल्लो २४ घण्टामा बाँकेमा २१ जना नयाँ कोरोना संक्रमित थपिएका छन् । स्वास्थ्य कार्यालय बाँकेले दिएका जानकारी अनुसार जिल्लामा १० महिला र ११ पुरुषमा संक्रमण पुष्टि भएको छ ।
बाँकेमा आज थपिएका संक्रमितहरुमा बैजनाथ गाँउपालिकाका ८ जना, नेपालगन्ज उपमहानगरका बिभिन्न वार्डका ६ जना, खजुरा गांउपालिकाका ४ जना र कोहलपुर नगरपालिकाका ३ जनामा संक्रमण पुष्टि भएको जिल्ला क्राईसिस मेनेजमेन्ट सेण्टरका कोरोना फोकलपर्शन नरेश श्रेष्ठले जानकारी दिए ।
आज आएको रिपोर्टमा बाँकेमा सर्वाधिक सक्रिय जनप्रतिनिधिकारुपमा परिचित खजुरा गाँउपालिकाका अध्यक्ष किस्मत कक्षपतिमा पनि कोरोना पुष्टि भएको छ ।
संक्रमण पुष्टि भएलगत्तै खबरकुरासंग कुरा गर्दै खजुरा गाँउपालिकाका अध्यक्ष कक्षपतिले जनताको सेवा गर्दा गर्दै संक्रमित हुन पुगेपनि उच्च मनोबलका साथ कोरोना मुक्त भएर पुनः जनताको सेवामा आउने प्रतिबद्धता ब्यक्त गरे ।
आज थपिएसंगै बाँकेमा कुल संक्रमितको संख्या १४४० पुगेको छ जसमा ९९७ जना कोरोना मुक्त भएर घर फर्केका छन् भने जिल्लामा ८ जनाको मृत्यु भएको छ ।
प्रतिक्रिया