बागलुङ । बालगुङको जैमिनी नगरपालिकाको टुनिवोटमा फेरि पहिरो गएको छ । पहिरोमा परि एक जना वेपत्ता भएका छन् ।
निरन्तरको वर्षापछि जैमिनी नगरपालिका–१ टुनीबोटमा सोमबार बिहान पनि पहिरो गएको हो । पहिरोले ५ घर पुगेको छ । घर माथिबाट पहिरो खस्ता ६१ वर्षीय हरिकृष्ण पौडेल वेपत्ता भएका हुन् ।
परिवारका अन्य ५ सदस्य सकुशल रहेको जिल्ला प्रहरी कार्यालय बागलुङका प्रहरी निरीक्षक हेम केसीले जानकारी दिएका छन् ।
पहिरोले पवित्रादेवी शर्मा, इन्द्र शर्मा, रत्नबहादुर क्षत्री र तारादेवी क्षत्रीको घरमा पूर्णरूपमा क्षति पुर्याएको प्रहरीले बताएको छ ।
घटनास्थलमा तत्कालै नेपाली सेना र प्रहरी परिचालन गरी उद्धारको काम भइरहेको बताइएको छ ।
आइतबार बिहान गएको पहिरोमा परि जैमिनी नगरपालिका– १ कुश्मीसेरा टुनिवोटमा ६३ वर्षीया लक्ष्मीदेवी उपाध्यायको मृत्यु भएको थियो ।
यस्तै, जैमिनीकै वडा नं. ५ बिनामारेमा गएको पहिरोमा परि ७४ वर्षीया जालपा पौडेलको मृत्यु भएको थियो ।
यो पनि पढ्नुहोस : बागलुङ जैमिनी नगरपालिकाको टुनिवोटमा पहिरो, १ जनाको मृत्यु
प्रतिक्रिया