कोरोना संक्रमणको उछाल निरन्तर जारी, सोमबार थपिए ११ सय ७० संक्रमित

काठमाडौं । कोरोना भाइरसका संक्रमितको संख्या उकालो लाग्ने क्रम निरन्तर जारी छ । भाइरसको संक्रमण रोकिने या घट्ने कुनै सम्भावनै देखिएको छैन ।

सोमबारसम्म आइपुग्दा देशभर कोरोना भाइरसका संक्रमित ५५ हजार ३२९ पुगेका छन् ।

सोमबार ११ सय ७० जना नयाँ संक्रमित थपिएसँगै यो संख्या ५५ हजार ३२९ पुगेको हो ।

१० हजार ८७८ पीसीआर परीक्षणमा यी संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले जानकारी दिए ।

देशभर सक्रिय संक्रमितको संख्या १५ हजार ३९३ जना रहेका छन् । संस्थागत आइसोलेसनमा ८ हजार ११८ जना रहेका छन् । होम आइसोलेसनमा

पछिल्लो २४ घण्टामा ८७९ जना संक्रमित निको भएर घर फर्किएका छन् । हालसम्म निको हुनेको संख्या ३९ हजार ५७६ पुगेको छ ।