नेपालगन्ज । पछिल्लो २४ घण्टामा बाँकेमा २९ जना नयाँ कोरोना संक्रमित थपिएका छन् । स्वास्थ्य कार्यालय बाँकेले जानकारी दिए अनुसार १० महिला र १९ पुरुषमा संक्रमण पुष्टि भएको छ ।
सोमबार बाँकेमा थपिएका संक्रमितहरुमा खुजुरा गांउपालिकाबाट ८ जना, कोहलपुर नगरपालिकाबाट ७ जना, नेपालगन्ज उपमहानगरबाट ६ जना, राप्ती सोनारीबाट २ जना, बैजनाथ गाँउपालिकाबाट १ जना तथा अन्य जिल्ला ठेगाना भएर बाँकेमा बस्दै आएका ५ जनामा संक्रमण पुष्टि भएको स्वास्थ्य कार्यालय बाँकेले जनाएको छ । खजुरामा संक्रमण पुष्टि भएका ४ जना एकाघरका परिवार हुन् ।
आज थपिएसंगै बाँकेमा सक्रमितको संख्या १४६९ पुगेको छ । बाँकेमा १०३६ जनाको टिस्चार्ज भएको छ भने ८ जनाको मृत्यु भएको छ ।
प्रतिक्रिया