उपत्यकामा थपिए ६१८ जना कोरोना संक्रमित

काठमाडौं । पछिल्लो २४ घण्टामा काठमाडौं उपत्यकामा थप ६१८ जनामा कोरोना संक्रमित थपिएका छन ।

स्वास्थ्य मन्त्रालयका अनुसार काठमाडौंका ५०७, ललितपुरका ६१, भक्तपुरका ५० जनामा संक्रमित थपिएका हुन ।

नेपालमा पछिल्लो २४ घण्टामा १ हजार २४६ जनामा कोरोना संक्रमण पुष्टि भएको छ ।

योसँगै नेपालमा कुल संक्रमितको संख्या ५९ हजार ५७३ पुगेको छ । १२४३ जना संक्रमण मुक्त भएका छन् ।

आज थप ४ जनाको मृत्यु भएको हो । योसँगै नेपालमा कोरोना संक्रमणबाट ज्यान गुमाउनेको संख्या ३८३ पुगेको छ ।