काठमाडौं । कोरोना भाइरसको संक्रमणबाट पछिल्लो २४ घण्टामा ७ जनाले ज्यान गुमाएका छन् ।
स्वास्थ्य तथा जनसंख्या मन्त्रालयले शुक्रबार अपरान्ह अद्यावधिक गरेको पछिल्लो तथ्यांक अनुसार २ जना महिला र ५ जना पुरुषको ज्यान गएको हो ।
जसअनुसार मोरङमा ६६ वर्षका दुई जना पुरुषको मृत्यु भएको छ । काठमाडौंमा ८५ वर्षीया महिला र ८८ वर्षीय पुरुषको मृत्यु भएको छ ।
यस्तै, ललितपुरमा ६६ वर्ष महिलाको मृत्यु भएको छ भने भक्तपुरका ८२ वर्षीय पुरुषको मृत्यु भएको छ । यसैगरी नवलपरासीका ३१ वर्षीय पुरुषको मृत्यु भएको मन्त्रालयले जनाएको छ ।
हालसम्म मृत्यु हुनेको संख्या ३९० पुगेको छ । यो संख्या कुल संक्रमितको ० दशमलव ६३ प्रतिशत रहेको मन्त्रालयले जनाएको छ ।
प्रतिक्रिया