बुटवलमा कोरोनाको ग्राफ उकालो चढ्यो, एकै दिन ४२ जना थपिए कोरोना संक्रमित

बुटवल । बिहिबार अलि सुस्ताएको बुटवलको कोरोनाको कहरले शुक्रबार फरि उग्र रुप लिएको छ । उपमहानगरमा मात्र शुक्रबार ४२ जना नयाँ कोरोना संक्रमित थपिएका छन् ।

बुटवल उपमहानगरको स्वास्थ्य शाखाले दिएको जानकारी अनुसार बुटवलको ९, ११ र १३ नम्बर वार्डमा ५।५ जना नयाँ संक्रमित थपिएका छन् भने वार्ड नम्बर ३,४ र १२ मा ४।४ जना, वार्ड नम्बर ८ मा ३ जना, वार्ड नम्बर १, ६ र ७ मा २।२ जना, वार्ड नम्बर २ मा १ जना तथा वार्ड नखुलेका ५ जनामा शुक्रबार कोरोना पुष्टि भएको बुटवल उपमहानगर स्वास्थ्य शाखाका प्रमुख कुन्दन कुमार सिंहले बताए ।

सिंहका अनुसार बुटवलमा कुल संक्रमितको संख्या ६८६ पुगेको छ भने ३७२ जनाले कोरोना जीतेर घर फर्केका छन् । बुटवलमा ७ जनाको मृत्यु भएको छ र ३१४ जना सक्रिय संक्रमितको उपचार चलिरहेको छ ।