सोमबार थपिए ११ सय ५४ नयाँ संक्रमित, संक्रमितको संख्या ६५ हजार नाघ्यो

काठमाडौं । नेपालमा कोरोना संक्रमित बढ्ने क्रम निरन्तर जारी छ । हरेक दिन १ हजार भन्दा बढी संक्रमित बढिरहेका छन् ।

सोमबार १ हजार १५४ जना नयाँ संक्रमित थपिएका छन् ।

९ हजार ५३३ पीसीआर परीक्षण गर्दा १ हजार १५४ जना थपिएको स्वास्थ्य तथा जनसंंख्यामन्त्रालयका प्रवक्ता प्राडा जागेश्वर गौतमले जानकारी दिए । यससँगै कुल संक्रमितको संख्या ६५ हजार २७६ पुगेको छ ।

देशभर १ हजार ५ जना संक्रमित निको भएर घर फर्किएका छन् । हालसम्म डिस्चार्ज हुनेको संख्या ४७ हजार २३८ पुगेको छ । यो दर ७२ प्रतिशत रहेको छ ।